موضوع: كفتة وشعرية بالخلطة الثلاثاء يوليو 19, 2011 11:10 pm
بسم الله الرحمن الرحيم
السلام عليكم ورحمة الله وبركاته
احببت اقدم لكن طريقتى فى كفتة فى الصنية والشعرية بالخلطة وياريت تجربوها باذن الله
اولا الكفته
المقادير
كيلو لحم احمر مع بعض الدهن - 2 بصلة - 6 فصوص ثوم -رغيف فينو صغير منقوع - ملح فلفل اسود بهار
فلفل اخضر وبصل وجزر مقطعين شرائح لتوضع فى الصنية تحت الكفتة
الطريقة
تفرم اللحم فرم ناعم مع البصل والثوم ونعصر الخبز ونضعه على اللحم والملح والفلفل والبهار وتعجن الكفتة نرص الفلفل والجزر و البصل الشرائح فى الصنية ونصبع الكفتة ونضعها فوقهم
ندخلها للفرن مع تغطيتها بورق الفويل ولما تشرب الماء اللى نزل منها تشيل الورق ونتركها 5 دقائق ونحرق فحمة ونضعها فى وسط الصنية ونضع عليها سمن سايح و نغطى الصنية كويس علشان رائحة الفحم تتغلغل فى الكفتة ودى بعد ماخرجت من الفرن وبالهنا حبيباتى
طريقة عمل الشعرية بالخلطة
المقادير
كيلو شعرية محمرة فى سمن - ربع كيلو لحم معصج مع 2 بصلة مفرية - لتر شوربة لحم او فراخ وهانحتاج كمان 2 كوب ماء ملعقة سكر محروق (كراميل ) - ملح فلفل قرفة - مكسرات وزبيب
الطريقة طبعا اول شئ نعصج اللحم مع البصل مع اضافة ملح وفلفل وبهار
نضع المرقة مع الكراميل والملح والفلفل والقرفة ونتركها تغلى ثم نضع الشعرية ونضيف 2 كوب ماء او حسب ما تحتاج ونضبط الطعم ونغطيها بعد ما تتشرب الماء نهدى النار ونضع تحتها شياطة ونضع العصاج وجزء من المكسرات والزبيب ونقلب ووقت التقديم نضع باقى المكسرات فوق الشعرية وبالهنا
الثلاثاء يوليو 19, 2011 11:10 pm
